సింహ, లెజెండ్ సినిమాలతో మాస్ దర్శకుడిగా ముద్ర వేయించుకున్న బోయపాటి శ్రీ‌ను ప్రస్తుతం నందమూరి బాలకృష్ణ హీరోగా అఖండ అనే సినిమా చేస్తున్నాడు. ప్రస్తుతం `అఖండ` షూటింగ్ హైద‌రాబాద్ లో జ‌రుగుతోంది. ఈ షెడ్యూల్ తో షూటింగ్ మొత్తం పూర్త‌వుతుంది. అఖండ చిత్రం తర్వాత బోయపాటి శ్రీ‌ను సినిమా ఏదీ ఫిక్స‌వ్వ‌లేదు. కాక‌పోతే.. క‌థ మాత్రం రెడీగా ఉంది.
బోయపాటి ద‌గ్గ‌ర ఓ మంచి మాస్, క‌మ‌ర్షియ‌ల్, యాక్ష‌న్ క‌థ ఉంది. ఆ కథతో కేజీఎఫ్‌తో ఒక్క‌సారిగా స్టార్ గా మారిపోయిన క‌న్న‌డ హీరో యష్ తో చేస్తే ఎలా ఉంటుందా? అని బోయపాటి ఆలోచిస్తున్న‌ట్టు టాక్‌. ఆ క‌థ‌కి యష్ సెట్ అవుతాడ‌ని బోయపాటి శ్రీ‌ను భావిస్తున్నాడ‌ట. మ‌రోవైపు సూర్య‌తో బోయపాటి శ్రీ‌ను ఓ సినిమా చేయ‌బోతున్నాడ‌ని ప్ర‌చారం జ‌రుగుతోంది. కాక‌పోతే… అది మ‌రో క‌థ.
మొత్తానికి `అఖండ` అవ్వ‌గానే బోయపాటి సినిమాలో హీరోగా నటించేది సూర్య‌నా? యష్ నా? అనేది తేలాల్సివుంది.
[zombify_post]
